महारो मन लाग्यो बैराग मे,

महारो मन लाग्यो बैराग मे, रमता जोगी की लार
पाव बांध्या हो मीरा घुंगरु, हाथ ली हो करताल
दुजा हाथ मीरा तुमड़ा = गुण गाया गोपाल
एक लांग मीरा सासरो, दुजा मामा ममसाल
तीजा लांग रे मीरा मावसी = चवथा माय रे बाप
जहर का प्याला राणा भेजीया, भेज्या दासी का हाथ
जावो दासी मीरा क दई आवो = आमरीत लीजो नाम
जावो दासी होण देखी आवो, मीरा जीवती की मरती
मरी होय तो वक फेकी दिजो = मीरा जैसी की वैसी